இந்த கடலில் கப்பல் ஓடவில்லை

                      தமிழ் திரையுலகில் நடித்தவர்கள், நடிப்பவர்கள், நடிக்க முயற்சி செய்பவர்கள் என அனைவரையும் பார்த்தாகி விட்டது தமிழ் ரசிக பெருங்குடி மக்கள். அதை வரிசைப் படுத்த எண்ணினால் என் முந்தைய பதிவை விட பக்கங்கள் செல்லும்.


ஆனால் திறமையானவர்கள் நடிகர்களின் திறமையை முழுவதும் வெளிக் கொணர இயலாத நமது தமிழ் திரையுலகம் பற்றி என்னில் ஒரு ஆதங்கம் உண்டு.

அந்த வரிசையில் முதலில் ஜெயராம் இலிருந்து துவங்குவோம்;

இவரை கமல் தவிர மற்ற எவருமே சரியாக உபயோகப் படுத்தியதாக நான் அறியேன். இரண்டுக்கும் உதாரணமாக, தெனாலி, பஞ்ச தந்திரம் முதலியன கமலிடம் மேலும் ஏகன் கமல் இல்லாமல்.

இரண்டாவது ஸ்ரீமான். இவரையும் அதே வரிசைதான், சிறப்பான குணசித்திர நடிகர். ஆனால் உபயோகம் மிக குறைவு. கரணிலும் சிறந்த கதாநாயகன் ஆகும் திறமை மிக உண்டு.

மூன்று தலைவாசல் விஜய். ஐவரும் என்னைக் கவர்ந்த ஒரு கலைஞர். தேசிய விருது வாங்கும் அளவு திறமை இருந்தும் எதோ ஒரு காரணத்தால் ஒதுக்கி வைக்கப் பட்டுள்ளார்.

நான்கு யூகி சேது , ஒரு நல்ல கலைஞனை தமிழ் திரையுலகம் இழந்தது என்றே சொல்லலாம். அவரது பஞ்ச தந்திரம், ரமணா இரண்டிலும் நடிப்பு மிக அருமை.

ஐந்து நாசர், பெரும்பாலான படங்களில் சிறந்த நடிப்பை வெளிப் படுத்தி இருந்தாலும் கமலைத் தவிர சிறப்பாக இவரை வெளிக்கொணர்ந்தவர் மிக குறைவு.

ஆறு ஜகன், இவர் வடிவேலு, சந்தானத்தைக் காட்டிலும் சிறந்த ஒரு நகைச்சுவை/குணசித்திர நடிகராக வர வாய்ப்பு மிக அதிகம்

ஏழு சந்தான கிருஷ்ணன் , ஐவரும் கமலின் பெரும்பாலான படங்களில் நடித்தவர். மற்றவர்கள் இவரை தவற விட்டனர்

எட்டு மௌலி, இவர் தனது சொந்த படங்களைத் தவிரவும் நடித்த தமிழ் படங்கள் மிகவும் குறைவு.

ஒன்பது திலிப் பழைய நடிகர், நல்ல நடிகர் பெரிதாக வெளி வரவில்லை



இந்த வரிசையில் இன்னும் பலர் இருக்கலாம். இந்த முப்பது நிமிடத் துளிகளில் நினைவில் நின்றவர்கள் இவர்கள். நினைவு வரும் போது பகிர்கிறேன்.

இந்த வரிசையில் தற்போது நடித்து வரும் இளவரசு(சென்னை 28 , களவானியில் நாயகன் அப்பா ) , எம் எஸ் பாஸ்கர் போன்றவர்கள் வாராமல் இருந்தால் மிக்க நன்று


பின் குறிப்பு: இது தர வரிசைப் படுத்துதல் இல்லை..